Ráiteas Beartais Príobháideachta

Cé muid

Tá Meas ag Bus Átha Cliath ar do phríobháideachas

Tá an Ráiteas Príobháideachta seo eisithe ag Bus Átha Cliath – Bus Átha Cliath, 59 Sráid Uí Chonaill Uachtarach, Baile Átha Cliath 1 (“Bus Átha Cliath”, “muid”, “sinn”, “ár”), atá mar oibreoir an tsuímh Ghréasáin seo agus rialtóir na sonraí a bhailímid.

Tá meas ag Bus Átha Cliath ar do phríobháideachas agus tá sé tiomanta é a chosaint. Is é cuspóir an Ráitis Príobháideachta seo tú a chur ar an eolas faoi na sonraí a bhaineann leat a bhailímid agus a úsáidimid i dtaca leis an suíomh Gréasáin seo agus na húsáidí a bhainimid as sonraí den sórt sin (lena n-áirítear nochtadh do thríú páirtithe).

Má tá aon cheist agat faoin úsáid a bhainimid as do shonraí pearsanta, déan teagmháil linn le do thoil ag info@dodublin.ie nó is féidir leat teagmháil a dhéanamh lenár nOifigeach Cosanta Sonraí ag dataprotection@dublinbus.ie .

Láithreáin atá clúdaithe ag an Ráiteas Príobháideachta seo

Baineann an Ráiteas Príobháideachta seo le DoDublin.ie, airlinkexpress.ie agus le gach suíomh Gréasáin agus fearann a bhaineann le DoDublin.

Naisc chuig Suímh Ghréasáin Bhusanna Neamh-Bhaile Átha Cliath

Féadfaidh láithreáin Ghréasáin Bhus Átha Cliath naisc a chur ar fáil chuig láithreáin ghréasáin tríú páirtí ar mhaithe le do áisiúil agus faisnéis. Níl Bus Átha Cliath freagrach as cleachtais phríobháideachais ná as ábhar na suíomhanna gréasáin sin ná as polasaithe agus cleachtais phríobháideachais tríú páirtithe eile.

Cé air a ndéanaimid sonraí a phróiseáil

Sonraí Pearsanta a Bhailímid agus a Phróiseáilimid

Bailímid agus próiseálann muid sonraí pearsanta a bhaineann leat maidir leis an úsáid a bhaineann tú as an suíomh Gréasáin seo agus lenár gcaidreamh leat. D’fhéadfadh go gcuimseodh na cineálacha sonraí pearsanta a sholáthraíonn tú dúinn ar na leathanaigh seo:

• D’ainm agus sonraí teagmhála, lena n-áirítear do sheoladh poist, uimhir theileafóin agus seoladh r-phoist;
• Do ID úsáideora agus do phasfhocal chuig do chuntas ar ár suíomh Gréasáin;
• Sonraí do chárta creidmheasa/dochair nó do chuntas bainc;
• Do shainroghanna teagmhála;
• Do chúlra oideachais agus fostaíochta;
• An seoladh Prótacail Inmheánach (IP) óna bhfaigheann tú rochtain ar an suíomh Gréasáin (is é seoladh IP an uimhir a thugtar go huathoibríoch do do ríomhaire agus tú ag scimeáil ar an ngréasán); agus
• aon fhaisnéis eile a bhaineann leat a sholáthraíonn tú dúinn nó a ghinimid fút maidir le húsáid an tsuímh Ghréasáin.

Ceanglais chun Sonraí Pearsanta a Sholáthar

Níl aon dualgas reachtúil ort aon sonraí pearsanta a sholáthar dúinn.

Má roghnaíonn tú ticéad a cheannach ar ár suíomh Gréasáin, tá roinnt píosaí faisnéise nach mór duit a sholáthar dúinn ionas gur féidir linn conradh a dhéanamh leat agus d’íocaíocht a phróiseáil, mar shampla d’ainm, sonraí teagmhála agus do dhochar/creidmheas nó sonraí cuntais bhainc. Mura gcuireann tú an t-eolas seo ar fáil dúinn, ní bheidh tú in ann ticéad a cheannach ar ár suíomh Gréasáin.

Faisnéis Neamhphearsanta

Bailímid agus déanaimid anailís ar fhaisnéis staidrimh áirithe faoi úsáid an tsuímh Ghréasáin seo (“faisnéis neamhphearsanta”). Nuair a thugann tú cuairt ar ár suíomh Gréasáin, coinnítear an fhaisnéis neamhphearsanta seo a leanas faoin gcuairt sin:

• An suíomh Gréasáin roimhe óna bhfuair tú rochtain ar an suíomh Gréasáin;
• céannacht aon innill chuardaigh a úsáidtear chun rochtain a fháil ar an suíomh Gréasáin, agus aon téarmaí cuardaigh a úsáidtear;
• Seoladh IP aon naisc a úsáidtear chun rochtain a fháil ar an suíomh Gréasáin;
• An cineál brabhsálaí agus córais oibriúcháin a úsáidtear chun rochtain a fháil ar an suíomh Gréasáin;
• Dáta agus am do rochtain ar an suíomh Gréasáin;
• Liosta de na leathanaigh ar fad ar tugadh cuairt orthu agus tú ar an suíomh Gréasáin; agus
• An leathanach óna bhfágann tú an suíomh Gréasáin.

Bailítear formhór na faisnéise neamhphearsanta trí fhianáin nó trí theicneolaíochtaí anailíse eile. Chun tuilleadh a fhoghlaim faoin úsáid a bhaineann Bus Átha Cliath as fianáin, féach thíos le do thoil.

Príobháideacht Leanaí

Tá Bus Átha Cliath tiomanta do riachtanais phríobháideachta leanaí a chosaint agus molaimid do thuismitheoirí agus caomhnóirí ról gníomhach a ghlacadh i ngníomhaíochtaí agus leasanna a bpáistí ar líne. Ní bhailíonn Bus Átha Cliath faisnéis go feasach ó leanaí faoi 16 bliana d’aois agus ní dhíríonn Bus Átha Cliath a shuíomhanna gréasáin ar leanaí faoi 16 bliana d’aois.

Úsáid Fianán ag Bus Átha Cliath

Is comhaid bheaga sonraí iad fianáin a chuireann suíomhanna gréasáin ar do ríomhaire nó ar do ghléas idirlín chun feidhmiúlacht a chur leis. Is féidir fianán a úsáid chun ríomhaire úsáideora nó gléas idirlín atá cumasaithe don suíomh Gréasáin, nó chuig láithreáin ghréasáin tríú páirtí eile a shainaithint. Cuidíonn fianáin le húsáid agus éifeachtacht an tsuímh Ghréasáin a fheabhsú, mar shampla trí shainroghanna úsáideoir a mheabhrú nó trí úsáid úsáideora an tsuímh Ghréasáin a rianú le haghaidh anailís staitistiúil.

Más mian leat srian a chur le húsáid fianán, is féidir leat an rogha glactha fianán a mhúchadh i socruithe do bhrabhsálaí. Tá naisc chuig comhairle maidir le conas é seo a dhéanamh do na brabhsálaithe Idirlín is mó tóir ar fáil thíos mar áis agus beidh siad ar fáil don bhrabhsálaí Idirlín de do rogha ar líne nó trí chúnamh bogearraí (ar fáil de ghnáth trí eochair F1). Tabhair faoi deara le do thoil go bhféadfadh sé go gcuirfí cosc ar an suíomh Gréasáin feidhmiú i gceart má dhíchumasaítear tacaíocht fianán agus seans nach mbeidh tú in ann lánúsáid a bhaint as a chuid gnéithe agus seirbhísí go léir. Féach ar ár bpolasaí fianán le haghaidh tuilleadh sonraí ar na fianáin a úsáidimid.

Cad a dhéanaimid le do shonraí

Mar a Úsáideann Bus Átha Cliath do Shonraí Pearsanta agus d’Faisnéis Neamhphearsanta

Úsáideann Bus Átha Cliath do shonraí pearsanta chun táirgí nó seirbhísí a sholáthar duit agus chun cabhrú linn tuiscint níos fearr a fháil ar do chuid riachtanas agus spéiseanna. Go sonrach, úsáidimid do chuid faisnéise chun cabhrú leat idirbheart nó ordú a chur i gcrích, chun cumarsáid a dhéanamh leat, chun seirbhís agus tacaíocht a sholáthar, chun tú a nuashonrú ar sheirbhísí agus ar shochair, chun tairiscintí promóisin a phearsantú agus chun roinnt suíomhanna gréasáin de chuid Bhus Átha Cliath a phearsantú. Uaireanta is féidir linn do chuid faisnéise a úsáid chun teagmháil a dhéanamh leat le haghaidh taighde margaidh maidir le táirgí nó seirbhísí Bhus Átha Cliath. Tabharfaimid an deis duit do shainroghanna príobháideachais a roghnú maidir le cumarsáid dá leithéid.

Ní úsáidtear faisnéis cárta creidmheasa ach amháin chun íocaíocht a phróiseáil agus chun calaois a chosc. Ní úsáideann ár soláthraithe seirbhísí airgeadais nó Bus Átha Cliath faisnéis cárta creidmheasa chun críche ar bith eile.

Comhbhailítear faisnéis neamhphearsanta chun tuairisciú ar inúsáidteacht, feidhmíocht agus éifeachtacht shuíomh Gréasáin Bhus Átha Cliath. Úsáidtear é chun taithí an chustaiméara, inúsáidteacht agus ábhar an tsuímh Ghréasáin a fheabhsú.

Bunús Dlí le Sonraí Pearsanta a Phróiseáil

Is iad na boinn dlí ar a bpróiseálaimid do shonraí pearsanta:

• Ár leasanna dlisteanacha maidir lenár ngnó a dhéanamh ar bhealach atá freagrach agus stuama ó thaobh na tráchtála de. Ní phróiseálfaimid do shonraí pearsanta chun na gcríoch seo dá mba rud é go gcuirfí isteach gan údar ar do leasanna, cearta agus saoirsí féin dá ndéanfaí amhlaidh;
• Go bhfuil sé seo riachtanach chun cúraimí a dhéanaimid a chomhlíonadh ar mhaithe le leas an phobail nó i bhfeidhmiú údaráis oifigiúil atá dílsithe dúinn faoin dlí;
• Go bhfuil sé seo riachtanach chun oibleagáid dhlíthiúil a bhaineann linn a chomhlíonadh;
• Go bhfuil sé seo riachtanach chun ár gconradh leat a chomhlíonadh; nó
• Go bhfuil do thoiliú tugtha agat don phróiseáil.

An roinnimid do shonraí

Cé leis a Roinneann Bus Átha Cliath Do chuid Faisnéise

Féadfaimid do shonraí pearsanta a nochtadh d’eagraíochtaí eile maidir leis na cuspóirí thuas lena n-áirítear:

• Do thríú páirtithe a mbímid ag plé leo chun seirbhísí a sholáthar dúinn maidir leis an suíomh Gréasáin, mar sholáthraithe seirbhíse seachfhoinsithe, soláthraithe seirbhísí airgeadais, soláthraithe seirbhísí TF, comhairleoirí gairmiúla agus iniúchóirí;
• Do bhaill eile dár ngrúpa corparáideach;
• D'aon úinéirí nó oibreoirí comharba ar an suíomh Gréasáin; agus
• D’údaráis agus chomhlachtaí poiblí eile nuair a cheanglaítear nó a gceadaítear sin faoin dlí, amhail na Gardaí nó údaráis forghníomhaithe dlí eile chun coireacht a chosc, a imscrúdú nó a bhrath.

Ní dhéanfaidh Bus Átha Cliath do chuid faisnéise pearsanta a dhíol, a ligean ar cíos nó a ligean ar léas le daoine eile.

Cé chomh fada a choimeádaimid é

Coinneáil

Ní choinneoimid do shonraí pearsanta níos faide ná mar is gá. Coinnímid do shonraí pearsanta chomh fada agus a bhíonn gá againn leo chun na gcríoch a bhfuil cur síos orthu sa Ráiteas Príobháideachta seo, nó chun ár n-oibleagáidí faoin dlí infheidhme a chomhlíonadh agus, más ábhartha, chun déileáil le haon éileamh nó díospóid a d’fhéadfadh teacht chun cinn idir tú féin agus sinne.

Aistrithe

I dtaca leis an méid thuas féadfaimid do shonraí pearsanta a aistriú lasmuigh den Limistéar Eorpach Eacnamaíoch, lena n-áirítear chuig dlínse nach n-aithníonn an Coimisiún Eorpach go bhfuil foráil ann do leibhéal coibhéiseach cosanta do shonraí pearsanta mar a fhoráiltear san Aontas Eorpach, le haghaidh mar shampla is é MailChimp ár soláthraí Ríomhphoist Dhírigh atá lonnaithe i Stáit Aontaithe Mheiriceá. Má dhéanaimid agus a mhéid a dhéanaimid amhlaidh, cinnteoimid go bhfuil bearta cuí i bhfeidhm chun ár n-oibleagáidí a chomhlíonadh faoin dlí is infheidhme a rialaíonn aistrithe dá leithéid. D’fhéadfadh go n-áireofaí orthu sin conradh a dhéanamh lena rialaítear an t-aistriú ina bhfuil na ‘clásail chaighdeánacha chonarthacha’ arna bhformheas chun na críche sin ag an gCoimisiún Eorpach nó, maidir le haistrithe chuig Stáit Aontaithe Mheiriceá, a áirithiú go bhfuil an t-aistriú clúdaithe ag an AE-SAM. Creat Sciath Príobháideachta. Más mian leat tuilleadh sonraí a fháil ar na bearta atá déanta againn maidir leis seo, déan teagmháil linn le do thoil ag dataprotection@dublinbus.ie

Cad iad do chearta

Do chearta

Tá na cearta seo a leanas agat, i gcúinsí áirithe agus faoi réir srianta áirithe, maidir le do shonraí pearsanta:

• an ceart rochtain a fháil ar do shonraí pearsanta;
• An ceart iarraidh go ndéanfaí do shonraí pearsanta a cheartú agus/nó a scriosadh;
• an ceart srian a chur le húsáid do shonraí pearsanta;
• an ceart agóid a dhéanamh i gcoinne phróiseáil do shonraí pearsanta;
• an ceart chun do shonraí pearsanta, a sholáthair tú dúinn, a fháil i bhformáid struchtúrtha, a úsáidtear go coitianta agus atá inléite ag meaisín nó a cheangal orainn na sonraí sin a tharchur chuig rialtóir eile; agus
• Sa chás go bhfuil ár bpróiseáil ar do shonraí pearsanta bunaithe ar thoiliú a bheith tugtha agat, beidh an ceart agat do thoiliú leis an bpróiseáil a tharraingt siar am ar bith.

Más mian leat aon cheann de na cearta atá leagtha amach thuas a fheidhmiú, nó má tá tuairimí nó ceisteanna agat faoinár Ráiteas Príobháideachta, déan teagmháil linn le do thoil ag:

Oifigeach Cosanta Sonraí
Bus Átha Cliath
59 Sráid Uí Chonaill Uachtarach
Baile Átha Cliath 1 .
R-phost: dataprotection@dublinbus.ie

Do Roghanna Margaíochta

Tugann Bus Átha Cliath an rogha duit maidir le héagsúlacht faisnéise a fháil a chomhlánaíonn ár gcuid táirgí agus seirbhísí. Is féidir leat síntiús a íoc chun faisnéis a bhaineann go sonrach le táirge agus seirbhís agus cumarsáid mhargaíochta Bhus Átha Cliath a fháil. D’fhéadfadh faisnéis faoi tháirgí nua, tairiscintí speisialta, nó cuireadh chun páirt a ghlacadh i dtaighde margaidh a bheith i gceist le cumarsáid Bhus Átha Cliath. Tugann muid rogha duit maidir le cumarsáid Bhus Átha Cliath a sheachadadh tríd an bpost, ríomhphost agus teileafón. Déanfaimid gach iarracht chun ómós a thabhairt do do chuid sainroghanna. Ní bhaineann an rogha seo le cumarsáidí chun críche ordú a thabhairt chun críche.

Féadfaidh tú an rogha a dhéanamh maidir le cumarsáid mhargaíochta a fháil trí na treoracha a leanúint nuair a chuirtear isteach do shonraí pearsanta ("opt-in").

Chun tarraingt siar ó chumarsáid a d’iarr tú go sainráite (amhail nuachtlitreacha ríomhphoist, nuashonruithe bogearraí, etc.), bain úsáid as aon cheann de na modhanna seo a leanas:

• Roghnaigh an nasc ríomhphoist "diúltaithe" nó "díliostáil", nó lean na treoracha diúltaithe i ngach cumarsáid síntiús
• Fill ar an leathanach/na leathanaigh Ghréasáin inar chláraigh tú do shainroghanna ar dtús agus lean na treoracha diúltaithe
• Déan teagmháil leis an Oifigeach Cosanta Sonraí trí litir ag Bus Átha Cliath, 59 Sráid Uí Chonaill Uachtarach, Baile Átha Cliath 1 nó trí ríomhphost ag dataprotection@dublinbus.ie. Stiúrthóir Gréasáin] - bí cinnte go soláthróidh tú d’ainm, do sheoladh ríomhphoist agus do sheoladh poist, agus faisnéis ábhartha faoi do chlárúcháin ar Bhus Átha Cliath.

Cá gcoimeádaimid do shonraí

Do Fhaisnéis a Choimeád Slán

Tá Bus Átha Cliath tiomanta do chosaint an eolais a sholáthraíonn tú. Chun rochtain nó nochtadh neamhúdaraithe a chosc, chun cruinneas sonraí a choinneáil, agus chun úsáid chuí na faisnéise a chinntiú, tá nósanna imeachta fisiceacha agus bainistíochta cuí i bhfeidhm ag Bus Átha Cliath chun an fhaisnéis a bhailímid a chosaint.

Nuair a cheannaíonn tú ticéid taistil nó turas ar líne nó nuair a fhaigheann tú rochtain ar do phróifíl phearsanta is féidir leat é sin a dhéanamh trí fhreastalaí slán. Ciallaíonn úsáid na teicneolaíochta Secure Socket Layer (SSL) go mbeidh gach faisnéis phearsanta, mar uimhir do chárta creidmheasa/dochair, criptithe agus é ag taisteal ó do ríomhaire go dtí Inneall Áirithinte Ar Líne Bhus Átha Cliath. Nuair a fhaightear an fhaisnéis, déantar an fhaisnéis a dhíchriptiú agus a phróiseáil ar an mbealach céanna le gnáth-idirbheart cárta ar an teileafón. Oibríonn an beart slándála seo nuair a fheiceann tú siombail na heochrach gan bhriseadh nó glas dúnta (ag brath ar do bhrabhsálaí) ag bun fuinneoige do bhrabhsálaí.

Má thacaíonn do bhrabhsálaí le SSL, agus má tháinig tú isteach inár suíomh trínár rochtain shlán ar an bhfreastalaí, cosnófar tarchur aon sonraí íogaire. Mura dtacaíonn do bhrabhsálaí le SSL, molaimid duit uasghrádú a dhéanamh ar an leagan is déanaí d’aon bhrabhsálaí chun slándáil tuilleadh idirbheart a fheabhsú, nó ní féidir tarchur do shonraí pearsanta a chosaint agus séanann Bus Átha Cliath aon fhreagracht ina leith seo.

Athruithe ar an ráiteas seo

D’fhéadfaimis an Ráiteas Príobháideachta seo a nuashonrú ó am go chéile. Molaimid duit athbhreithniú tréimhsiúil a dhéanamh ar an mbeartas seo chun an t-eolas is déanaí a fháil ar ár gcleachtais phríobháideachais. Sonrófar sa Ráiteas Príobháideachta an dáta is déanaí ar a leasaíodh na téarmaí.

Cé leis ar cheart duit dul i dteagmháil

Gearáin

Mura bhfuil tú sásta leis an mbealach a bhfuil do shonraí pearsanta á n-úsáid againn nó conas a dhéanaimid do chearta a éascú nó ár n-oibleagáidí a chomhlíonadh faoin dlí infheidhme um chosaint sonraí, tá sé de cheart agat gearán a dhéanamh leis an gCoimisiún um Chosaint Sonraí trí ríomhphost a sheoladh chuig info@dataprotection. .i .

Athbhreithniú: Bealtaine 2018